फागुन ६, ०७७
काठमाडौँ

प्रेस सङ्ग्रहालय स्थापनाको अभियानमा रहेको प्रेस काउन्सिल नेपाललाई नेपाल प्रेस इन्स्टिच्यूटले आज एउटा हाते टाइपराइटर प्रदान गरेको छ । ‘Traveller de Luxe S OLYMPIA’ कम्पनीको ‘DANIDA–NPI/RMRC- BRT, TYPEWRTER 2’ इन्स्टिच्यूटका कार्यकारी निर्देशक लक्ष्मण उप्रेती र तालिम संयोजक कपिल काफ्लेले काउन्सिलका कार्यवाहक अध्यक्ष गोपाल बुढाथोकी र सदस्य दीपक पाण्डेसमक्ष प्रदान गर्नुभएको हो ।

प्रमुख प्रशासकीय अधिकृत झबिन्द्र भुसाल र वरिष्ठ प्रशासकीय अधिकृत दीपक खनालको समेत उपस्थिति रहेको उक्त अवसरमा का.वा. अध्यक्ष बुढाथोकीले प्रेस सङ्ग्रहालय स्थापनाका लागि सामग्री प्रदान गरेर सहयोग गरेकोमा नेपाल प्रेस इन्स्टिच्यूटलाई धन्यवाद दिनुभयो । यसअघि काउन्सिलले सूचना जारी गरी सम्बन्धित पक्षलाई प्रेससम्बन्धी सामग्री उपलब्ध गराउन आव्हान गरिसकेको छ । नेपाली पत्रकारिता र सञ्चारको इतिहासलाई जीवन्त राख्न सघाउ पुर्याउने उद्देश्यले काउन्सिलले प्रेस सङ्ग्रहालय स्थापना प्रक्रिया अघि बढाएपछि पत्रकारिता र सञ्चारसँग सम्बन्धित सामग्री सङ्कलन हुनेक्रम जारी छ ।